„Bloomberg-ის რუკაზე“ საქართველო დაბალი რისკის ქვეყნებს შორისაა

2017-04-20 13:34:44, 2460 ნახვა

ეკონომიკა

ამერიკულმა გამოცემა Bloomberg-მა გლობალური რისკების რუკა გამოაქვეყნა.

გამოცემამ მსოფლიოს მასშტაბით ქვეყნების წინაშე არსებული საფრთხეები შეაფასა, რომლებსაც ისინი 2017 წლის განმავლობაში დაუპირისპირდებიან.

რუკაზე Bloomberg-მა 4 ძირითად კომპონენტი - რეზერვები, უმუშევრობა, ინფლაცია და სავალუტო რყევები გამოყო.

საქართველოში უმუშევრობის რისკ ფაქტორი 11,4%-ით შეფასდა, ინფლაციის კი 6,2%-ით. ამ შეფასების მიხედვით, საქართველო დაბალი რისკების მქონე ქვეყანაში მოხვდა.

რაც შეეხება სხვა ქვეყნებს: რუსეთი დაბალი რისკების ქვეყნებს შორის მოხვდა, უკრაინა და თურქეთი კი საშუალო რისკების ქვეყნებს შორის არიან.

ყველაზე დაბალი რისკების მქონე ქვეყნების პირველ ხუთეულში ჰონგ კონგი, შვეიცარია, სინგაპური, საუდის არაბეთი და ტაივანი არიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან