ფრაქცია „თავისუფალი დემოკრატების“ წევრის ზურაბ აბაშიძის განაცხადებით, თავდაცვის მინისტრი მინდია ჯანელიძე თავდაცვისა და უშიშროების კომიტეტზე ირაკლი ალასანიას მინისტრობის პერიოდში დაწყებულ საქმეებზე საუბრობს. 

„რაც მოვისმინე, სრული პასუხისმგებლობით მინდა განვაცხადო, რომ დაახლოებით მე-6 თვეა, რაც მინდია ჯანელიძე არის თავდაცვის მინისტრი და ამ ხნის განმავლობაში მისგან რამე სიახლე ჩვენ ვერ მოვისმინეთ. რაზეც ის საუბრობს ის არის ალასანიას მინისტრობის პერიოდში დაწყებულ საქმეები და მის გუნდთან ერთად მიღწეული წარმატებები. ცდილობს, რომ მან ეს ყველაფერი თავისთავზე მიიწეროს“, - აღნიშნა აბაშიძემ. 

მისივე თქმით, მისი პარტიის წევრებს მინისტრთან კითხვები საჰაერო თავდაცვასთნ დაკავშირებით აქვთ. 

„კითხვები მასთან ძალიან ბევრია, იგივე საჰაერო თავდაცვასთან დაკავშირებით. რომელზეც მინისტრი საუბრობს, რომ ეს საკითხი არ დახურულა, რას ნიშნავს არ დახურულა? როდის მოხდება კონკრეტულად ამის უზრუნველყოფა? ის მემორანდუმი, რომელიც გაფორმდა ირაკლი ალასანიას დროს, რა შედეგებია, სად ვართ, როგორ ვართ სრულიად გაუგებარია“, - განცხადა აბაშიძემ. 

ცნობისთვის, პარლამენტში თავდაცვისა და უშიშროების კომიტეტის სხდომა მიმდინარეობს, სადაც, მინდია ჯანელიძე ანგარიშს წარადგენს. სხდომა ამ დროისთვის კითხვა-პასუხის რეჟიმში მიმდინარეობს. კომიტეტის სხდომის დასრულების შემდეგ, შეხვედრა ნდობის ჯგუფის ფორმატში გაგრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს