ახალი პროექტის -„ძლიერი რეგიონი - ძლიერი საქართველოსთვის“ ფარგლებში, პრემიერ–მინისტრი ირაკლი ღარიბაშვილი შიდა ქართლს ესტუმრა.

პრემიერმა პროექტის მნიშვნელობაზე გაამახვილა ყურადღება. ირაკლი ღარიბაშვილის თქმით, ამ პროექტმა რეგიონები უნდა განავითაროს და   იქ  მეტი სამუშაო ადგილის შექმნა უზრუნველყოს. ირაკლი ღარიბაშვილის განმარტებით, სახელმწიფოს შიდა ქართლის  მიმართ განსაკუთრებული ვალდებულება აქვს.

"ეს არის კარგი საშუალება, რომ ერთმანეთს ღიად ვესაუბროთ პრობლემებზე, საკითხებზე, რომლებიც დროულად გადაწყვეტას საჭიროებს. ამიტომ, მთავრობის წევრებთან ერთად ვარ აქ ჩამოსული. ეს არის კარგი საშუალება, რომ ჩვენი ხედვა წარმოგიდგინოთ,თუ  როგორ გვესახება რეგიონების განვითარება. პროექტის მიზანია, გამოცოცხლდეს რეგიონები, ადგილობრივ წარმოებას შევწუყოთ ხელი და მეტი სამუშაო ადგილები შევქნათ, დავეხმაროთ ჩვენს მოსახლეობას, რომ წელში გაიმართოს და გამოვაცოცხლოთ რეგიონები. შიდა ქართლის მიმართ განსაკუთრებული ვალდებულება გვაქვს, სახელმწიფოს მხრიდან ამ რეგიონს განსაკუთრებული მხარდაჭერა სჭირდება, რადან ომის კვალი ასე ადვილად არ გქრება, ის უბედურება, ის საშინელი ტრაგედია და სტრესი,  რაც ამ რეგიონის მოსახლეობამ გადაიტანა,  არის მძიმე და იარები მოუშუშებელია. პრობლემები არ არის ადვილად გადასალახი და ჩვენი მხრიდან უფრო მეტი მუშაობაა საჭირო.ჩვენ შეძლებისდაგვარად ყველაფერს ვაკეთებთ იმისათვის, რომ შიდა ქართლი მაქსიმალურად მალე დადგეს ფეხზე. ვგრძნობთ იმ მოუგვარებლ პრობლემებს,  რომლებიც რეგიონებში არსებობს. ამ მიზნით ჩვენი მთავრი ამოცანაა, ფოკუსირებულად ვიმუშაოთ რეგიონების განვითარებაზე და დავეხმაროთ ჩვენს მოსახლეობას",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს