თავდაცვის მინისტრის მინდია ჯანელიძის განცხადებით, ამ ეტაპზე აქტიური მოქმედებები მიმდინარეობს, რათა საქართველოში ე.წ. ნატოს ჯგუფი ჩამოყალიბდეს, რომელიც ნატო-საქართველოს არსებითი პაკეტის იმპლემენტაციის პროცესს დააკვირდება.

ამის შესახებ ჯანელიძემ პარლამენტში თავდაცვისა და უშიშროების კომიტეტზე ანგარიშის წარდგენისას განაცხადა.

„ამ ჯგუფს ექნება სრული წვდომა და ხედვა პაკეტით გათვალისწინებულ ინიციატივების განხორიელების მიმდინარეობის შესახებ. ფაქტიურად ამ ჯგუფის დაკომპლექტების პროცესი უკვე დასრულებულია. ჩვენ პარტნიორ ქვეყნებს უკვე გამოთქმული აქვთ კონკრეტული ინიციატივები, ჩვენ უკვე ვიცით, რომელი ქვეყნის წევრები იქნებიან ნატო-ს ე.წ ჯგუფის შემადგენლობაში“, - აღნიშნა ჯანელიძემ.

მისივე თქმით არსებითი პაკეტით გათვალისწინებულ ყველა პროექტს თავისი ლიდერი ეყოლება.

„95%-ით ჩვენ უკვე ვიცით, რომელი ქვეყანა გამოყოფს ლიდერს არსებითი პაკეტის ამა თუ იმ ინიციატივის განსახორციელებლად“, - განაცხადა ჯანელიძემ.

მინისტრის ინფორმაციით, შემუშავებულია ასევე თითოეული პროექტის განხორციელების გეგმა.

„ეს პროცესი საკმაოდ მოკლე ვადებში წარიმართა და ჩვენ დაახლოებით გაზაფხულის ბოლოს, მუდმივი ჯგუფი გვეყოლება საქართველოში, რომელიც იმპლემენტაციის პროცესს დააკვირდება“, - აღნიშნა მინდია ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს