გიორგი მამალაძე: ღვთის შეწევნით, თავად შევძლებ სიმართლის დამტკიცებას

2017-04-08 22:31:26, 2637 ნახვა

სამართალი

ღვთის შეწევნით, თავად შევძლებ სიმართლის დამტკიცებას, - ამის შესახებ დეკანოზ გიორგი მამალაძის წერილშია ნათქვამი, რომელსაც "რუსთავი 2" აქვეყნებს.

წერილში დეკანოზი გიორგი მამალაძე სულიერ მამას მიმართავს: "მივმართავ სულიერ მამას - რად მიმატოვე? არ მჯერა, რომ შენს სიყვარულს არ ძალუძს დაძლიოს ყველნაირი წნეხი და ზეწოლა. ღმერთმა უწყის, არანაირი თავდებობა და შუამდგომლობა არ მჭირდება, მხოლოდ შენი ნუგეშისმომგვრელი სიტყვა და ღიმილი, შენი მადლიანი ხელი".

დეკანოზი წერილში ირაკლი მამალაძეზეც საუბრობს და წერს, რომ მან უბრალოდ არ გაუშვა ხელიდან შანსი წარმოჩენილიყო "გმირად".

"ჩემი აზრით კი, მან უბრალოდ არ გაუშვა ხელიდან შანსი წარმოჩენილიყო ”გმირად”, ”საქართველოს მხსნელად”. სამწუხაროდ, მისი ამბიცია და მავანთა მზაკვრული ინტერესები კარგად დაემთხვა ერთმანეთს. ღმერთმა შეგვინდოს ორივეს: მას მისი საქციელი, ხოლო მე - ჩემი წინდაუხედაობა”, - წერს მამალაძე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან