შვედეთის პოლიციამ გუშინ სტოკჰოლმში მომხდარი სავარაუდო ტერაქტის მოწყობაში ეჭვმიტანილი 2 პირი დააკავა, - ამის BBC იუწყება.

მედია საშუალების ინფორმაციით, ერთ-ერთი დაკავებული გუშინ ინციდენტის ადგილზე დააკავეს, ხოლო მეორე სტოკჰოლმის ჩრდილო-დასავლეთ ნაწილში. სამართალდამცველების თქმით, მამაკაცი პირველ ეჭვმიტანილთან არის კავშირში.

როგორც მედია წერს, სატვირთო მანქანა ადგილობრივ ლუდსახარშს ეკუთვნის და ის სავარაუდო ტერაქტამდე ცოტა ხნით ადრე გაიტაცეს.

შეგახსენებთ, რომ გუშინ სტოკჰოლმის ერთ-ერთ ცენტრალურ ქუჩაზე სატვირთო ავტომობილი ხალხში შევარდა, რის შედეგადაც დადასტურებული ინფორმაციით 4 ადამიანი დაიღუპა, 10-ზე მეტი კი დაშავდა. ქვეყნის პრემიერ-მინისტრმა მომხდარს ტერაქტი უწოდა. მომხდარზე პასუხისმგებლობა ჯერჯერობით არცერთ ტერორისტულ დაჯგუფებას არ აუღია.

მსგავსი ფაქტები ევროპაში უკვე რამდენჯერმე მომხდა. ერთ-ერთი პირველი იყო ნიცას ტრაგედია, რომელიც ბასტილიის აღების დღეს მოხდა. მაშინ სატვირთო ავტომობილი გარეთ მოსიარულე ხალხში შევარდა. ტერაქტის შედეგად 86 ადამიანი დაიღუპა, 300-ზე მეტი კი დაშავდა. პასუხისმგებლობა "ისლამურმა სახელმწიფომ" აიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს