საქართველოს ორდღიანი ოფიციალური ვიზიტით რუმინეთის ეროვნული თავდაცვის მინისტრი მირჩეა დუშა ეწვია.

რუმინელ კოლეგას საქართველოს თავდაცვის მინისტრი მინდია ჯანელიძე მასპინძლობს.

დახვედრის ოფიციალური ცერემონიალი თავდაცვის სამინისტროში გაიმართა. თავდაცვის სამინისტროს სასულე ორკესტრმა საქართველოსა და რუმინეთის ეროვნული ჰიმნები შეასრულა.

თავდაცვის სამინისტროში მინდია ჯანელიძესა და ნირჩეა დუშას შორის შეხვედრა რამდენიმე წუთის წინ დაიწყო.

მოგვიანებით, მინდია ჯანელიძე და მირჩეა დუშა მედიის წარმომადგენლებისთვის განცხადებებს გააკეთებენ.

შეხვედრას თავდაცვის მინისტრის პიერვლეი მოადგილე გოჩა რატიანი, საქართველოს შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე, სპეცოპერაციების ძალების მეთაური ვიცე-პოლკოვნიკი დიმიტრი კიკნაძე, საჰაერო ძალების სარდალი, პოლკოვნიკი დავით აბრამიშვილი და უწყების სხვა ხელმძღვანელი პირები ესწრებიან.

დღესვე, დაგეგმილია შეხვედრები საქართველოს პრემიერ-მინისტრთან ირაკლი ღარიბაშვილთან, საქართველოს პრეზიდენტთან გიორგი მარგველაშვილთან და საკანონმდებლო ორგანოს წარმომადგენლებთან.  

რუმინეთის ეროვნული თავდაცვის მინისტრის პირველი ოფიციალური ვიზიტი საქართველოში დღეს დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს