2017-03-23 13:55:26, 2887 ნახვა
მსოფლიო
AP: ვისკონსინის შტატში სროლის შედეგად 4 ადამიანი დაიღუპა, ერთ-ერთი პოლიციელია
ამერიკის შტატ ვისკონსინში სროლა იყო, რის შედეგადაც 4 ადამიანი დაიღუპა, - ამის შესახებ სააგენტო AP იუწყება.
მედია საშუალების ინფორმაციით, დაღუპულთა შორის ერთ-ერთი პოლიციელია.
აღსანიშნავია, რომ სროლები პარალელურად ორ დასახლებულ პუნქტში დაფიქსირდა და პოლიციაში შეტყობინებები პრაქტიკულად, ერთდროულად შევიდა.
პირველ შემთხვევაში, ბანკთან გაისროლეს. მეორე შემთხვევას რაც შეეხება, გასროლა მოხდა საცხოვრებელ სახლში, რომელიც ზემოაღნიშნული ბანკიდან დაახლოებით 100 კმ-ში მდებარეობს.
მედიის ცნობით, თავდასხმაში ეჭვმიტანილი მამაკაცი დაკავებულია. თავდასხმის მოტივი და სხვა დეტალები უცნობია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
