ლონდონში თავდასხმის შედეგად დაშავებული 2 პირი გარდაიცვალა.

BBC-ის ინფორმაციით, ერთ-ერთი დაშავებული ქალი საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს. ერთ-ერთი ექიმის თქმით, გარდაცვლილს მრავალი ჭრილობა ჰქონდა მიყენებული. საავადმყოფოში 20-მდე დაშავებულია გადაყვანილი, თუმცა ექიმები მათ კონკრეტულ რაოდენობას არ ასახელებენ.

რაც შეეხება მეორე გარდაცვლილს, იგი პოლიციელია, რომელსაც პარლამენტის შენობასთან შეიარაღებული მამაკაცი თავს დაესხა. მას ჭრილობა ცივი იარაღით ჰქონდა მიყენებული.

შეგახსენებთ, დღეს ლონდონში, შეიარაღებულმა მამაკაცმა ცივი იარაღით პოლიციელი დაჭრა, შემდეგ კი პარლამენტის შენობისკენ გაიქცა, თუმცა ამ დროს სამართალდამცველებმა მას ცეცხლი გაუხსნეს. თავდამსხმელი ადგილზე გარდაიცვალა.

ცოტა ხნის შემდეგ, ვესტმინსტერის ხიდთან ავტომობილი ქვეითებს გამიზნულად დაეჯახა, რის შედეგადაც სულ მცირე 12 ადამიანი დაშავდა.

სკოტლანდ-იარდმა მომხდარს ტერაქტის კვალიფიკაცია მიანიჭა.

პარლამენტის შენობა ამ დროისთვის ბლოკირებულია. ქვეყნის პრემიერ-მინისტრი ტერეზა მეი უსაფრთხო ადგილზე გადაიყვანეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს