საქართველოში ქარის სიმძლავრემ გრიგალის ნიშნულს მიაღწია

2017-03-21 09:48:47, 1466 ნახვა

საზოგადოება

საქართველოში ქარის სიმძლავრემ გრიგალის ნიშნულს მიაღწია - 23 მარტიდან გამოიდარებს

თბილისში ქარის სიმძლავრემ რამდენიმე საათის წინ გრიგალის ნიშნულს მიაღწია.

როგორც "ექსპრესნიუსს" გარემოს ეროვნული სააგენტოს ჰიდრომეტეოროლოგიური პროგნოზების ცენტრში განუცხადეს, ხანმოკლე დაქროლვა დაფიქსირდა, რომლის სიჩქარე 32 მეტრი წამში იყო, რაც გრიგალის კატეგორიას განეკუთვნება.

მათივე თქმით, კიდევ ერთი მაღალი მაჩვენებელი, 24 მეტრი წამში ვაშლიჯვრის ჰიდრომეტეოროლოგიურ სადგურზე დაფიქსირდა. თუმცა, ცენტრის ინფორმაციით, პიკი ამ დროისთვის გადავლილია და აღარ განმეორდება.

აღმოსავლეთ საქართველოს უმეტეს რაიონებში ქარი შენარჩუნდება დღეს ღამით და ხვალ დილითაც, ზოგან ძლიერი, 20-25 მეტრი წამში, თუმცა მისი სიმძლავრე ხვალ საღამოსთვის შესუსტდება.

სინოპტიკოსების პროგნოზით, საქართველოში 23 მარტიდან გამოიდარებს და ტემპერატურა 16 გრადუსს მიაღწევს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან