განათლებისა და მეცნიერების მინისტრის ალექსანდრე ჯეჯელავას განცხადებით, ბულინგი როგორც სკოლის, ისე ქუჩის პრობლემაა.

როგორც მინისტრმა აღნიშნა, ბულინგის აღმოსაფხვრელად საზოგადოების ცნობიერების ამაღლებაა საჭირო.

„სკოლაში ბულინგთან ბრძოლის ძირითადი ინსტრუმენტი არის ისევ განათლება და საზოგადოებრივი ცნობიერების ამაღლება. ბულინგი მხოლოდ სკოლის პრობლემა არ არის, ეს არის ქუჩის, ეზოს პრობლემა, ეს არის ნებისმიერი სოციუმის პრობლემა. ბულინგი მხოლოდ სკოლის მოსწავლეებს არ ეხება, ასევე საზოგადოების ნებისმიერ ჯგუფში არსებობს ბულინგი, ანუ ჩაგვრის პრობლემა. შესაბამისად, მთავარი რაც ჩვენ უნდა გავაკეთოთ, როგორც საზოგადოებამ, ეს არის ცნობიერების ამაღლება. რაც შეეხება ტექნიკურ ინსტრუმენტებს, მანდატურის სამსახურის ერთ-ერთი მთავარი ამოცანაა ბულინგთან ბრძოლა.

როგორც პედაგოგების, ისე დირექტორების ტრენინგებში ბულინგის გამოვლენის, აღკვეთის და ასევე მისი შესაბამისი ორგანოებისთვის ინფორმაციის მიწოდების  ინსტრუმენტებია, მუშაობს ეს ინსტრუმენტები. ტექნიკური რეაგირებით ჩვენ ამ პრობლემას ვერ გავაქრობთ“, - განაცხადა ალექსანდრე ჯეჯელავამ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა

უკრაინამ და შვედეთმა 16 Gripen E გამანადგურებლის შესყიდვის შესახებ შეთანხმებას მოაწერეს ხელი

ღალიბაფი: თუ აშშ უარს იტყვის დიალოგის გზით ნაკისრი ვალდებულებების შესრულებაზე, ჩვენ ომისთვის მზად ვართ