თავდაცვის ყოფილი მინისტრის ირაკლი ალასანიას მტკიცებით, საფრანგეთთან საჰაერო უსაფრთხოების შეთანხმება საქართველოს ბიუჯეტს მძიმედ არ დააწვებოდა. 

ამის შესახებ ალასანიამ „თავისუფალი დემოკრატების“ ოფისში გამართულ ბრიფინგზე განაცხადა. 

მისივე განმარტებით, საფრანგეთთან იყო მოლაპარაკება, რომ გადახდა მას შემდეგ მოხდებოდა, რაც საქართველოში საჰაერო თავდაცვის სისტემა სრულად დამონტაჟდებოდა. 

ეს კი, ალასანიას თქმით,  საქართველოს გრძელვადიანი სესხის აღების შემთხვევაში, ყოველ წელიწადს რამენიმე ათეული მილიონი ლარი დაუჯდებოდა. 

„როდესაც თავდაცვის სამინისტროში მივედი და სამხედროებთან ერთად დავიწყე ჩვენი თავდაცვის სტრატეგიაზე ზრუნვა, პირველი, რა თქმა უნდა და მნიშვნელოვანი გადაწყვეტილება იყოს ის, რომ შეგვექმნა ისეთი საჰაერო თავდაცვის სისტემა, რომელიც საშუალებას მისცემდა ჩვენს სახმელეთო ჯარებს , აუცილებლობის შემთხვევაში,  ეფექტურად დაეცვათ ჩვენი საზოგადოება და ხალხი. ჩვენ, ბუნებრივია საჰაერო დომინირებას ვერ მივაღწევთ რეგიონში სამხედრო ძალთა ბალანსიდან გამომდინარე, ეს უნარი არ შესწევს ჩვენს ბიუჯეტს და ეს არც დგას ჩვენს ამოცანებში. ჩვენ გვინდა მხოლოდ და მხოლოდ თავდაცვითი შესაძლებლობა.  საჰაერო თავდაცვა იქნებოდა ის ქოლგა და იქნება მომავალშიც, რომელიც საქართველოს ეფექტური თავდაცვის შესაძლებლობებს გაუჩენს“, – აღნიშნა ალასანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს