იუსტიციის მინისტრის თეა წულუკიანის, განცხადებით, საქართველოს რიგის სამიტზე გადაჭარბებული მოლოდინი არ უნდა ჰქონდეს.

როგორც წულუკიანმა "მაესტროს ცხრიანში" განაცხადა, რიგის სამიტზე საქართველოს მოქალაქეებისთვის საზღვრები არ გაიხსნება, თუმცა რეალისტური მოლოდინია, რომ საქართველოს მიერ შესრულებული ტექნიკური სამუშაოების აღიარება მოხდება.

თეა წულუკიანის განცხადებით, სწორედ ამის შემდეგ უკვე დაიწყება მსჯელობა, თუ როდის გახსნან საზღვარი საქართველოს მოქალაქეებისთვის.

"ჩვენ რიგის სამიტზე გადაჭარბებული მოლოდინი არ უნდა გქვონდეს. ჩვენ გავქვს 1 რეალისტური მოლოდინი, რომ ის ძალიან დიდი ტიტანური, ხშირად ჯოჯოხეთური, მე არ მომერიდება ამ სიტყვის თქმის, შრომა ვინც ჩავატარეთ, საგარეომ, შინაგან საქმეთა სამინისტრომ, იუსტიციამ, ჯანდაცვამ,  პრემიერმა,  მთლიანად მთავრობამ კოლექტიური ძალისხმევა გაწია და პარლამენტი გვედგა გვერდში და იღებდა იმ კანონებს,  რასაც ვთავაზობდით, რომ რეფორმების აღიარება მოხდება, ეს არის ერთადერთი რეალისტური მოლოდონი, ანუ მარტივად რომ ვთქვათ, რიგის სამიტზე ჩვენ გვაქვს მოლოდინი, რომ გვეტყვიან ის საშინაო დავალებები, რაც ჩვენ თქვენ მოგეცით, შეასრულეთ ტექნიკურ დონეზე ყველაფერი შესრულებულია და ვიფიქრებთ იმაზე, რომ გადავიდეთ პოლიტიკურ ფაზაზე, ანუ დავიწყოთ მსჯელობა როდის გავხსნათ საზღვრები. რიგის სამიტზე საზღვრები არ იხსნება, ნურავის გვექნება ამის მოლოდინი,  მაგრამ  ძალიან რეალისტური მოლოდინი, რომლისთვისაც ჩემი თხოვნა იქნება, მეც, თქვენც,  პარლამენტმა, ბიზნესმა უნდა ვიმუშაოთ ქვეყანაში ჰარმონიით. ჩვენ გავიღეთ ყველამ დიდი მსხვერპლი, მათ შორის ბიზნესმა, მათ შორის მე,  ჩემმა თანამშრომლემბა, თქვენ და ყველა მინისტრმა და ამის აღიარება, რომ ტექნიკურად ჩვენ დავალებები შევასრულეთ, უნდა მოხდეს რიგის სამიტზე. ამის შემდეგ ჩვენ გვექნება სხვა ფაზა მუშაობის ინდივიდუალურად, სახელმწიფოებთან მუშაობა, რომ პოლიტიკური გადაწყვეტილება  მიიღოს თითოეული ქვეყნის შს მინისტრმა და გაუხსნას ჩვენს მოქალაქეებს სზღვარი",-განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს