გარემოსა და ბუნებრივი რესურსების დაცვის მინისტრის მოადგილე თეიმურაზ მურღულია სამუშაო ვიზიტით ერევანში  იმყოფებოდა, სადაც სომხეთის რესპუბლიკის გარემოს დაცვის მინისტრს არამის გრიგორიანს შეხვდა.

სამინისტროს ინფორმაციით, შეხვედრაზე განხილული იქნა, ბიომრავალფეროვნების სფეროში რეგიონული პროექტების განხორციელების პერსპექტივები, ამ პროექტებში კავკასიის რეგიონული გარემოსდაცვითი ცენტრის როლი და ტრანსსასაზღვრო პრობლემატიკის გადაჭრის გზები.

ქართულმა მხარემ ინტერესი გამოხატა გადაშენების პირას მყოფი ველური ფაუნისა და ფლორის სახეობებით საერთაშორისო ვაჭრობის კონვენციის (CITES) განხორციელების გამოცდილების გაზიარებასთან დაკავშირებით იმის გათვალისწინებით,  რომ საქართველოში იწყება ხიზილალის წარმოება, რაც სომხეთში  რამდენიმე წელია  წარმატებით ფუნქციონირებს.

ორივე მხარემ განსაკუთრებული ყურადღება გაამახვილა გარემოსდაცვითი განათლებისა და საზოგადოების ჩართულობის მნიშვნელობაზე, და მიღწეულ იქნა შეთანხმება, რომ ორივე ქვეყნის ორჰუსის ცენტრი აქტიურად ითანამშრომლებს ამ მიმართულებით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს