შს მინისტრის მოადგილის შალვა ხუციშვილის განცხადებით, მარჯვენასაჭიანი ავტომობილების საქართველოში ჩამოყვანა აღარ აიკრძალება.

როგორც ხუციშვილმა განმარტა, აღნიშნული მანქანაბის განბაჟება გაძვირდა და შესაბამისად, რაოდენობა მათი რაოდენობა შემცირდა. 

"პარლამენტმა დეკემბერში მიიღო "საგადასახადო კოდექსში" ცვლილებები, რამაც, გარკვეულწილად, გააძვირა განბაჟება და შეამცირა ის რისკები, რომ გაიზრდებოდა მარჯვენასაჭიანი ავტომობილების რაოდენობა და მარცხენასაჭიანებს გაუთანაბრდებოდა. შესაბამისად, ჩვენ უფრო მკაცრ მიდგომებს აღარ მოვითხოვთ და ეს ნაწილი ამოღებული იქნება კანონპროექტიდან. არ აიკრძალება მარჯვენასაჭიანები, უბრალოდ, ვისაც უღირს ამ ფასად შემოყვანა, შემოიყვანოს", - განაცხადა ხუციშვილმა.

ცნობისთვის, საგზაო მოძრაობის წესებთან დაკავშირებული კანონპროექტის განხილვას პარლამენტი მომავალი კვირიდან დაუბრუნდება. შინაგან საქმეთა სამინისტროსა და საკანონმდებლო ორგანოს შორის კონულტაციები თითქმის დასრულებულია.

შს მინისტრის მოადგილის განმარტებით, კანონპროექტის პირველადი ვარიანტიდან, რომელიც საკანონმდებლო ორგანოში ერთი წლის წინ შევიდა, ის მუხლი გაუქმდება, რომელიც მარჯვენასაჭიანების იმპორტს კრძალავდა. თუმცა, სხვა საკითხებთან ერთად, ძალაში რჩება ქულათა სისტემა, მართვის მოწმობის შეჩერება და უკონტაქტო პატრულირება.

მარჯვენასაჭიანი ავტომანქანების რეგისტრაციის აკრძალვის ინიციატივით შინაგან საქმეთა სამინისტრო 2015 წლის დეკემბერში გამოვიდა. აღნიშნულ ინიციატივას მხარი მთავრობის სხდომაზე დაუჭირეს და ინიციატივა განსახილველად პარლამენტს გადაუგზავნეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი