თავდაცვის ყოფილი მინისტრი ირაკლი ალასანია დარწმუნებულია, რომ სასამართლო განხილვების დროს  ე.წ. კაბელების საქმეზე დაკავებული 5-ივე პირის უდანაშაულობას დაამტკიცებენ. ამის შესახებ ალასანიამ ჟურნალისტებს თბილისის საქალაქო სასამართლოში პროცესის დაწყებამდე განუცხადა.

მისივე თქმით, დღეს მთავარი საკითხია დატოვებს თუ არა სასამართლო ბიძინა ივანიშვილი პირად პატიმრებს წინასწარ პატიმრობაში. 

"სასამართლო განხილვებში  ეს საქმე რომ დასრულდება ისე, რომ სრულად გაამართლებენ  5 უდანაშაულო ადამიანს,   ამაში არც თავიდან მეპარებოდა ეჭვი და არც ახლა მერპარება. დღეს მთავარი საკითხი და გადასაწყვეტი თემა არის ის, რომ ივანიშვილის პირად პატიმრებს წინასწარ  პატიმრობაში დატოვებს თუ არა სასამართლო. ეს არის მნიშვნელოვანი. რატომ არის  ეს 5 ადამიანი წინასწარ პატიმრობაში ამდენხანს აბსოლუტურად უსაფუძვლოდ როდესაც ის საექსპერტო დასკვნაც კი, რომელიც პროკურატურას საფუძვლად ჰქონდა მათი დაკავების, თვითონ უარყო პარქტიკულად, ახალი ექსპერტიზა დანიშნა",-განაცხადა ირაკლი ალასანიამ.

ცნობისთვის, დაცვის მხარე დღევანდელ სასამართლო პროცესზე სხვა შუამდგომლობებთან ერთად, ეწ. კაბელების საქმეზე დაკავებულების მიმართ აღკვეთის ღონისძიების შეცვლის შუამდგომლობასაც დააყენებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს