საქართველოს საგარეო საქმეთა მინისტრის მოადგილემ ვახტანგ მახარობლიშვილმა შვეიცარიის კონფედერაციის საგანგებო და სრულუფლებიანი ელჩი ლუკას ბეგლინგერი და ელჩის მოადგილე ალვარო ბორგი მიიღო.

საგარეო უწყების ინფორმაციით, საუბარი საქართველოსა და შვეიცარიის კონფედერაციას შორის თანამშრომლობის ფართო სპექტრს შეეხო. აღინიშნა ორმხრივ ურთიერთობებში არსებული მზარდი დინამიკა და გამოითქვა პარტნიორობის შემდგომი გაღრმავების მზაობა.

შეხვედრისას მინისტრის მოადგილემ ვახტანგ მახარობლიშვილმა მადლობა გადაუხადა შვეიცარიელ დიპლომატებს შვეიცარიის მიერ საქართველოს სუვერენიტეტისა და ტერიტორიული მთლიანობის ურყევი მხარდაჭერისა და რუსეთის ფედერაციასთან გაწეული შუამავლობისთვის. ხაზი გაესვა ევროპის თავისუფალი ვაჭრობის ასოციაციასთან (EFTA) ხელმოწერილი თავისუფალი ვაჭრობის შეთანხმების მნიშვნელობას ორმხრივი ეკონომიკური ურთიერთობების გაღრმავების თვალსაზრისით. ასევე ყურადღება დაეთმო სამთო ტურიზმის, რეგიონთაშორისი, სოფლის მეურნეობის, განათლებისა და კულტურის სფეროებში თანამშრომლობის შემდგომი განვითარების პერსპექტივებს.

შვეიცარიის ელჩმა ლუკას ბეგლინგერმა კიდევ ერთხელ დაადასტურა შვეიცარიული მხარის მზაობა, კვლავაც შეუწყოს ხელი ორ ქვეყანას შორის ურთიერთობების გაღრმავებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს