საქართველოს მთავრობის ადმინისტრაცია  ბიზნესმენ ბესო ხარძიანის მკვლელობის საქმესთან მთავრობის  ყოფილი და მოქმედი წევრების  შესაძლო კავშირის შესახებ გაკეთებულ განცხადებებს ეხმაურება.

მთავრობის ადმინისტრაცია ყველას მოუწოდებს, ბრალდების შემთხვევაში კონკრეტული დოკუმენტური დასაბუთება წარმოადგინონ, წინააღმდეგ შემთხვევაში, ადმინისტრაციაში განმარტავენ, რომ მათი ბრალდებები საქართველოს მთავრობისა და პრემიერ-მინისტრის მიზანმიმართულ დისკრედიტაციად ჩაითვლება.

"საქართველოს მთავრობის სახელით, მწუხარებას გამოვთქვამთ ბიზნესმენ ბესო ხარძიანის მკვლელობის გამო და სამძიმარს ვუცხადებთ მის ოჯახსა და ახლობლებს. 
მაღალი საზოგადოებრივი ინტერესიდან გამომდინარე, გვინდა განვაცხადოთ, რომ ბესო ხარძიანის საქმის გამოძიება ინტენსიურ რეჟიმში მიმდინარეობს, რათა უმოკლეს ვადებში მოხდეს დამნაშავის დადგენა და დასჯა.
მომხდარის შესახებ კეთდება ბევრი კომენტარი  სხვადასხვა სატელევიზიო ეთერში. გაისმა ბრალდებები მთავრობის ყოფილი და მოქმედი წევრების ამ საქმესთან შესაძლო კავშირის შესახებ. 
გვინდა, მოვუწოდოთ ყველას, ბრალდების შემთხვევაში წარმოადგინონ კონკრეტული დოკუმენტური დასაბუთება, წინააღმდეგ შემთხვევაში, მათი ბრალდებები ჩაითვლება საქართველოს მთავრობისა და პრემიერ-მინისტრის მიზანმიმართულ დისკრედიტაციად.
კატეგორიულად მიუღებელია დაუსაბუთებელი ბრალდებების მოსმენა იმ მთავრობის მიმართ, რომლისთვისაც მთავარ პრიორიტეტს სწორედ სამართლიანობის აღდგენა წარმოადგენს",-ნათქვამია მთავრობის ადმინისტრაციის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს