ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე ევროკავშირის სამეზობლო პოლიტიკისა და გაფართოების საკითხებში დირექტორატის (DG-NEAR) ხელმძღვანელს ქრისტიან დანიელსონს შეხვდა. შეხვედრა ქ.ბრიუსელში სახელმწიფო მინისტრის სამუშაო ვიზიტის ფარგლებში 18 იანვარს გაიმართა.

მხარეებმა საქართველოში ევროკავშირის პროგრამებზე ისაუბრეს. ვიქტორ დოლიძემ განსაკუთრებით აღნიშნა საქართველო-ევროკავშირის ასოცირების შეთანხმების ფარგლებში მიმდინარე რეფორმების მხარდასაჭერად ევროკავშირის ფინანსური დახმარების მნიშვნელობა. 

შეხვედრაზე მიმდინარე წლისათვის განსაზღვრული პრიორიტეტული მიმართულებები და პროექტები განიხილეს. განათლება, უსაფრთხოება და ინფრასტრუქტურის განვითარება იმ სფეროებად დასახელდა, რა მიმართულებითაც ევროკავშირი 2017 წელს პროექტების განხორციელებას გეგმავს.

ასევე, განსაკუთრებულად აღინიშნა სტრატეგიული კომუნიკაციის მიმართულება. ყურადღება გამახვილდა ევროკავშირის დახმარების შესახებ ცნობიერების ამაღლებასა და ხელშესახებ სარგებელზე ორიენტირებულ პროექტების მნიშვნელობაზე. ხაზი გაესვა საქართველო-ევროკავშირს შორის თანამშრომლობის მაგალითების უკეთ წარმოჩენის აუცილებლობას.

მხარეებმა შეხვედრაზე საქართველოში ქრისტიან დანიელსონის დაგეგმილ ვიზიტზეც ისაუბრეს, რომელიც მიმდინარე წლის 31 იანვარსა და 1 თებერვალს გაიმართება. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

7-8 საათის განმავლობაში თბილისში თვის ნორმაზე 1.5-ჯერ მეტი ნალექი მოვიდა – სააგენტო

გახარია: ოკუპაცია არ შეიძლება გახდეს ვაჭრობის საგანი და ანექსია - ნორმა

ცხინვალი: ევროკავშირი ცდილობს სირია აიძულოს, უკან წაიღოს „სამხრეთ ოსეთის“ აღიარება

გერმანიის კანცლერი: ჩვენ სერიოზულად ვართ განწყობილნი აზერბაიჯანთან ურთიერთობების გაფართოების მიმართ