„ერთიანი ნაციონალური მოძრაობა“  „გაზპრომთან“ ხელშეკრულების შინაარსის გასაჯაროვების მოთხოვნით პარლამენტს რეზოლუციით მიმართავს“,-ამის შესახებ ენმ-ის წევრმა ნუგზარ წიკლაურმა ჟურნალისტებს განუცხადა.

როგორც დეპუტატმა აღნიშნა, „გაზპრომთან“  გაფორმებული ხელშეკრულების მიხედვით საქართველოს ინტერესებია  დაზიანებული.

„20 წლის განმავლობაში ჩვენ  რუსეთთან გვქონდა ხელშეკრულება,  რომელიც სრულყოფილად ითვალისწინებდა საქართველოს  ეროვნულ ინტერესებს. ახლა ხელისუფლებამ ხალხის ზურგს უკან აწარმოა მოლაპარაკებები, რომლის შედეგები არის გასაიდუმლოებული და რაც აჩენს ძალიან დიდ ეჭვს, რომ ჩვენი ინტერესები ამ ხელშეკრულების მიხედვით არის დაზიანებული.  „ერთიანი ნაციონალური მოძრაობა“ მოითხოვს ხელისუფლებისგან გასაჯაროვდეს ამ დოკუმენტის  შინაარსი.  ჩვენ შეგვაქვს სპეციალური რეზოლუცია პარლამენტში ამ ხელშეკრულების შინაარსის გასაჯაროვების მოთხოვნით და სოლიდარულები ვართ ქართულ საზოგადოებასთან, არასამთავრობო სექტორთან, რომელიც ასევე აყენებს ასეთ მოთხოვნას“,-განაცხადა ნუგზარ წიკლაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

7-8 საათის განმავლობაში თბილისში თვის ნორმაზე 1.5-ჯერ მეტი ნალექი მოვიდა – სააგენტო

გახარია: ოკუპაცია არ შეიძლება გახდეს ვაჭრობის საგანი და ანექსია - ნორმა

ცხინვალი: ევროკავშირი ცდილობს სირია აიძულოს, უკან წაიღოს „სამხრეთ ოსეთის“ აღიარება

გერმანიის კანცლერი: ჩვენ სერიოზულად ვართ განწყობილნი აზერბაიჯანთან ურთიერთობების გაფართოების მიმართ