„რუსეთის პრეზიდენტმა ვლადიმერ პუტინმა ბრძანება გასცა, რომ დაეწყოთ კამპანია, რომელიც დონალდ ტრამპს აშშ-ის საპრეზიდენტო არჩევნებში გამარჯვებაში დაეხმარებოდა“, - ნათქვამია ამერიკის შეერთებული შტატების სადაზვერვო სააგენტოს ანგარიშში, რომელიც გუშინ გამოქვეყნდა.

BBC-ის ინფორმაციით, დოკუმენტი აშშ-ის ახალარჩეული პრეზიდენტის სპეცსამსახურების ხელმძღვანელებთან შეხვედრის შემდეგ გამოქვეყნდა.

ანგარიშის თანახმად, ვლადიმერი პუტინმა გასცა კამპანიის ორგანიზების განკარგულება, რომლის მიზანიც, აშშ-ის საპრეზიდენტო არჩევნებზე გავლენის მოხდენა იყო. დოკუმენტში აღნიშნულია, რომ კამპანია მიზნად ისახავდა არჩევნებისადმი მოსახლეობის ნდობის შემცირებასა და დემოკრატიული პარტიის კანდიდატის, ჰილარი კლინტონის დისკრედიტაციას.

სპეცსამსახურების ხელმძღვანელებთან შეხვედრის შემდეგ, დონალდ ტრამპმა  განაცხადა, რომ კიბერთავდასხმებს არჩევნებზე გავლენა არ მოუხდენია.

"რუსეთი, ჩინეთი, სხვა ქვეყნები, უცხოური დაჯგუფებები და კერძო პირები მუდამ ცდილობენ ჩვენი სამთავრობო ინსტიტუტების, ბიზნესისა და საზოგადოებრივი ორგანიზაცების, მათ შორის დემოკრატიული პარტიის ნაციონალური კომიტეტის ინფრასტრუქტურის უსაფრთხოების დარღვევას, თუმცა ამას არჩენების შედეგებზე გავლენა არ მოუხდენია", - განაცხადა დონალდ ტრამპმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ენმ-მ ხელისუფლება ნავთობპროდუქტების იმპორტიორებთან შესაძლო შეთქმულებაში დაადანაშაულა

მიხეილ სააკაშვილი: განცხადებები გილაურთან ნაციონალური მოძრაობის მოლაპარაკებების შესახებ ტყუილია

ერთიანი ეროვნული გამოცდების დროს თბილისში ავტობუსების დამატებითი მარშრუტები დაინიშნება

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს