2017-01-04 18:19:51, 1258 ნახვა
საზოგადოება
თბილისის მერიამ ალილოს მსვლელობის მოსაწყობად 30 700 ლარი გამოყო
თბილისის მერიამ საპატრიარქოს ალილოს მსვლელობის მოსაწყობად 30 700 ლარი გამოუყო.
როგორც „ექსპრესნიუსს“ თბილისის მერიის საზოგადოებასთან ურთიერთობის სამსახურში განუცხადეს, დავით ნარმანიამ შესაბამისი ბრძანება 2016 წლის 26 დეკემბერს გამოსცა.
„როგორც ყოველ წელს, ტრადიციულად თბილისის მერია კულტურის საქალაქო სამსახურის შუამდგომლობით შობის ბრწყინვალე დღესასწაულზე თანხას გამოყოფს. მერიამ ალილოს მსვლელობის მოსაწყობად 30700 ლარი გამოყო“, - აცხადებენ მერიაში.
თანხის გადარიცხვის შუამდგომლობით თბილისის მერს კულტურის საქალაქო სამსახურმა მიმართა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
