საქართველოს თავდაცვის სამინისტროს დელეგაცია სამდღიანი ოფიციალური ვიზიტით საფრანგეთის რესპუბლიკაში იმყოფებოდა.

უწყების ინფორმაციით, თავდაცვის მინისტრს მინდია ჯანელიძეს ფრანგმა კოლეგამ ჟან-ივ ლე დრიანმა უმასპინძლა. დახვედრის ოფიციალური ცერემონიალი საფრანგეთის თავდაცვის სამინისტროს ეზოში გაიმართა.

სამინისტროში გამართულ შეხვედრაზე კოლეგებმა საქართველოსა და საფრანგეთს შორის თავდაცვის სფეროში არსებული თანამშრომლობის საკითხები და ურთიერთობის სამომავლო პერსპექტივები განიხილეს. მინისტრები საქართველოს ევროატლანტიკურ სტრუქტურებში გაწევრიანების საკითხებსაც შეეხნენ. საფრანგეთის თავდაცვის მინისტრმა ქართულ მხარეს ცენტრალური აფრიკის რესპუბლიკაში, ევროკავშირის სამშვიდობო მისიაში მონაწილეობისთვის მადლობა გადაუხადა. შეხვედრაზე საუბარი რეგიონალური უსაფრთხოების საკითხებსაც შეეხო.

„მინდა ვიზიტი შევაფასო ძალიან წარმატებულად, ვინაიდან ჩვენ საფრანგეთთან ორმხრივი თანამშრომლობის გაღრმავების ძალიან დიდი პერსპექტივები გვაქვს. ეს შეეხება როგორც განათლების, ისე სამხედრო მომზადებისა და სამხედრო-ტექნიკურ საკითხებში თანამშორმლობის სფეროებს. ჩვენ მომავალშიც გავაგრძელებთ საფრანგეთთან აქტიურ რეჟიმში ურთიერთობას. ჩნდება ურთიერთობის ახალი პერსპექტივები, ახალი პლატფორმები. საფრანგეთთან, როგორც ნატოს ერთ-ერთ წამყვან წევრთან და როგორც ჩვენთვის მნიშვნელოვან პარტნიორთან ურთიერთობები მომავალშიც გაღრმავდება“, - აღნიშნა მინდია ჯანელიძემ.

ვიზიტის ფარგლებში, საქართველოს თავდაცვის მინისტრი უცნობი ჯარისკაცის საფლავზე მარადიული ცეცხლის გაღვივების ცერემონიალს დაესწრო.  საომარი მოქმედებების დროს დაღუპულ ჯარისკაცთა ხსოვნას ტრიუმფალურ თაღთან პატივი მიაგეს ასევე, საქართველოს თავდაცვის სამინისტროს დელეგაციის წევრებმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს