პარლამენტის მიერ მთავრობისათვის უნდობლობის გამოცხადება თითქმის შეუძლებელია, რაც ხელისუფლების დანაწილების პრინციპს ეწინააღმდება, - ამის შესახებ პარლამენტის თავმჯდომარე, სახელმწიფო საკონსტიტუციო კომისიის ხელმძღვანელმა ირაკლი კობახიძემ შინაგან საქმეთა სამინისტროს პოლიციის აკადემიაში, სტუდენტებთან შეხვედრისას განაცხადა.

როგორც კობახიძემ აღნიშნა, საქართველოს კონსტიტუციის 81-ე მუხლი საკონსტიტუციო კომისიის მსჯელობის ერთ-ერთი საგანი უნდა იყოს. მისივე განცხადებით, როგორც საპარლამენტო სისტემისთვის, ისე ნახევრად საპრეზიდენტო სისტემისათვის დამახასიათებელი მოვლენაა ის, რომ პარლამენტი საჭიროების შემთხვევაში, ძალიან მარტივად, რამდენიმე დღიანი პროცედურის საფუძველზე უცხადებს მთავრობას უნდობლობას.

​ ”საქართველოს კონსტიტუციის 81-ე მუხლი საკონსტიტუციო კომისიის მსჯელობის ერთ-ერთი საგანი უნდა იყოს. ვენეციის კომისიის ერთ-ერთი ყველაზე მწვავე, კრიტიკული შენიშვნა სწორედ მთავრობისათვის უნდობლობის გამოცხადების პროცედურას ეხებოდა. პრობლემა იმაში მდგომარეობს, რომ პარლამენტის მიერ მთავრობისათვის უნდობლობის გამოცხადება თითქმის შეუძლებელია, რაც ხელისუფლების დანაწილების პრინციპს ეწინააღმდება. როგორც საპარლამენტო სისტემისთვის, ისე ნახევრად საპრეზიდენტო სისტემისათვის დამახასიათებელი მოვლენაა ის, რომ პარლამენტი საჭიროების შემთხვევაში, ძალიან მარტივად, რამდენიმე დღიანი პროცედურის საფუძველზე უცხადებს მთავრობას უნდობლობას. სწორედ ასეთი სახით უნდა იყოს ჩამოყალიბებული პროცედურა საქართველოს კონსტიტუციაშიც. არსებობს კლასიკური მოდელები როგორც კონსტრუქციული ვოტუმის, ისე არაკონსტრუქციული ვოტუმის. შეგვიძლია ვიხელმძღვანელოთ რომელიმე კლასიკური მოდელით. ასეთ პირობებში ძალიან მარტივად შეიძლება განვსაზღვროთ უნდობლობის ვოტუმის ოპტიმალური მოდელი”, - განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით