„ძალიან მინდა, რომ ამ კომისიამ კარგი შედეგი დადოს“, - ამის შესახებ კონსტიტუციონალისტმა, ყოფილმა დეპუტატმა ვახტანგ ხმალაძემ საკონსტიტუციო კომისიასთან დაკავშირებით განაცხადა.

 როგორც ხმალაძემ აღნიშნა, კომისიის არაპოლიტიკური ნაწილი, წევრობის პირობებს აკმაყოფილებს, რაც შეეხება პოლიტიკურ ნაწილს, ხმალაძე განმარტავს, რომ მათ ნაწილს არ იცნობს.

„ახლო მომავალში გამოჩნდება რა იქნება. კომისიის შემადგენლობის არაპოლიტიკურ ნაწილზე შემიძლია ვთქვა, რომ იმ პირობებს, რაც მოეთხოვებათ კომისიის წევრებს, აკმაყოფილებენ. ისინი არიან დიდი გამოცდილებისა და კვალიფიკაციის მქონენი, პოლიტიკური ნაწილის შეფასება კი გამიჭირდება, რადგან ნაწილს არ ვიცნობ, ვინ არის და ძალიან ბევრი რამ ამ პოლიტიკურ ნაწილზე იქნება დამოკიდებული, რადგან ძირითადი ნაწილი მმართველი მმართველი პარტიის წარმომადგენლები არიან“, - განაცხადა ხმალაძემ.

ცნობისთვის, სახელმწიფო საკონსტიტუციო კომისიის პირველი სხდომა მიმდინარეობს. სხდომას საპარლამენტო უმრავლესობისა და უმცირესობის, ასევე არასამთავრობო ორგანიზაციების წარმომადგენლები და ექსპერტები ესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს