საქართველოს პრეზიდენტი გიორგი მარგველაშივლი პარლამენტში მისი მოხსენების ნებისმიერ ფორმატს მიესალმება.

ამის შესახებ მარგველაშვილმა ჟურნალისტებს განუცხადა.

მისივე თქმით, პარლამენტის გადასაწყვეტია, თუ რა ფორმატით წარიმართება პრეზიდენტის მოხსენება.

„რაც შეეხება გამოსვლის ფორმატს, ბუნებრივია გამოსვლა შეეხება იმ განვლილ ერთ წელიწადს, რომელიც ჩვენ ერთად განვლეთ. იმ მიღწევებს და იმ პრობელმებს, რომელიც გამოწვევების სახით აქვს ჩვენს საზოგადოებას, იმ ქმედებებს, რაც ჩვენი აზრით უნდა განვახორციელოთ იმისთვის, რომ უფრო ეფექტურად გადავძლიოთ ბევრი ჩვენს წინაშე მდგარი ამოცანა. რაც შეეხება ფორმატს, ჩვენ პატივს ვცემთ პარლამენტს, როგორც ინსტიტუტს და პარლამენტის გადასწაყვეტია, თუ რა ფორმატში წარიმართება ჩემი მოხსენების შემდგომი განხილვა, იქნება ეს დებატები, თუ გამოსვლები. მე მზად ვარ და მივესალმები ყველა ფორმატს“, - განაცხადა მარგველაშვილმა.

ამასთან, პრეზიდენტის მოხსენებაზე მთავრობის წევრების დასწრებასთან დაკავშირებით, მარგველაშვილმა აღნიშნა, რომ ეს ტრადიციაა და მას პატივი უნდა სცენ. 

„ჩვენ გვაქვს ტრადიცია პრეზიდენტის მოხსნებეაზე დასწრების. ვფიქრობ, ეს ტრადიცია არ უნდა გადავფაროთ. მითუმეტეს იმის გათვალისწინებით, რომ ეს მხოლოდ და მხოლოდ ტრადიციაა. არცერთ კონსტიტუციაში, არც კანონმდებლობაში, აქამდე ასე არ ყოფილა გაწერილი. ეს არის ტრადიცია, რომელსაც ჩვენ პატივი უნდა ვცეთ“, - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს