საკონსტიტუციო კომისიის შემადგენლობა ცნობილია. ის მედიას დღეს პარლამენტის თავმჯდომარე ირაკლი კობახიძემ გააცნო. 

ირაკლი კობახიძის თქმით, სამწუხაროა, რომ პრეზიდენტის ადმინისტრაციის წარმომადგენლები კომისიის მუშაობაში  მონაწილეობისგან თავს იკავებენ. კობახიძე იმედოვნებს,  რომ ისინი სამუშაო პროცესში მოგვიანებით ჩაერთვებიან:

 „კიდევ ერთხელ გავუსვამ ხაზს იმ საწმუხარო გარემოებას, რომ პრეზიდენტის ადმინისტრაცია ამ ეტაპზე თავს იკავებს კომისიაში მუშაობისგან, თუმცა დიდი იმედი მაქვს, სამუშაო პროცესში ისინი მოგვიანებით ჩაერთვებიან“,-აღნიშნა ირაკლი კობახიძემ.

როგორც ცნობილია, პრეზიდენტი და პრეზიდენტის წარმომადგენლები საკონსტიტუციო კომისიაში მონაწილეობისაგან თავს იკავებენ, თუმცა კონსტიტუციური ცვლილებების საყოველთაო-სახალხო განხილვაში აქტიურად მიიღებენ მონაწილეობას.

პრეზიდენტის მთავარი პოზიცია არის ის, რომ საკონსტიტუციო კომისია ყოფილიყო მაღალი პოლიტიკური ლეგიტიმაციის და ფართო კონსენსუსის უზრუნველმყოფი. მისი შეფასებით, სწორედ ამას ითვალისწინებდა პრეზიდენტთან არსებული სამი უმაღლესი თანამდებობის პირის თანათავმჯდომარეობით შექმნილი საკონსტიტუციო კომისიის ფორმირება, რაც ასე არ მოხდა.

ცნობისთვის, საქართველოს პარლამენტის თავმჯდომარემ, ირაკლი კობახიძემ სახელმწიფო საკონსტიტუციო კომისიის შემადგენლობა დაასახელა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს