„ვისაც არ აქვს საქმე, მხოლოდ ის არის დაინტერესებული რეიტინგების ზრდით, თუ კლებით“, - ამის შესახებ საქართველოს პრემიერ-მინისტრმა ირაკლი ღარიბაშვილმა IRI-ს კვლევებთან დაკავშირებით, ჟურნალისტებთან შეხვედრისას განაცხადა.

როგორც პრემიერმა აღნიშნა, რეიტინგები მისთვის საინტერესო არ არის.

„რაც შეეხება რეიტინგებს, მე ამაზე არასოდეს არ გამიკეთებია განსაკუთრებული აქცენტი და დიდი ყურადღება არ მიმიქცევია. ის მთავრობა და ის პრემიერ-მინისტრი იქნება, პრეზიდენტი, თუ მინისტრები, რომლებიც მხოლოდ რეიტინგებზე ფიქრობენ და ოცნებობენ, ისინი არ არიან გულწრფელები. ცალკე განსჯის საგანია ეს რეიტინგები, ვინ აკეთებს, რა მეთოდოლოგიაა და ვინ ასრულებს ამ სამუშაოებს, მე მქონდა კითხვები. მნიშვნელობა არ აქვს ვინ ატარებს ამ რეიგინგებს, მთავარია ვინ ასრულებს ადგილზე სამუშაოებს. თუმცა, ეს არ არის საინტერესო ჩემთვის ამ ეტაპზე. ჩემთვის მთვარია მოსახლეობა იყოს კმაყოფილი მთავრობის მუშაობით და თუ ჩემი მინისტრები იქნებიან მაღალი რეიტინგით მოსარგებლე, რა თქმა უნდა, ეს ჩემთვის არის კიდევ უფრო მეტად საინტერესო, ვინაიდენ ეს ნიშნავს, რომ მთავრობა როგორც ერთიანი, არის მაღალრეიტინგული. თუმცა, კიდევ ერთხელ ვიმეორებ, რეიტინგებზე ჩვენ არ უნდა ვიფიქროთ. ჩვენ უნდა ვიფიქროთ მეტი საქმის კეთებაზე და იმაზე, თუ როგორ შევუმსუბუქოთ მოსახლეობას მდგომარეობა. ჩემთვის საზრუნავი არის ლარის კურსი, როგორ გადავუვადოთ მოსახლეობას ეს სხვაობა, როგორ გავზარდოთ ეკონომიკა, როგორ შევქმნათ მეტი სამუშაო ადგილები და არა რეიტინგები. რეიტინგები არის უსაქმურების საქმე, ვისაც არ აქვს საქმე ის არის მხოლოდ დაინტერესებული რეიტინგების ზრდით, თუ კლებით. ასე რომ მოვუწოდებ უსაქმურებს, დაკავდნენ ამ რეიტინგების შესწავლით“, - განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს