მოსამართლემ გურამ და მაია რჩეულიშვილები პატიმრობაში დატოვა

2016-12-21 15:01:23, 2415 ნახვა

სამართალი

„ცენტრ პოინტის“ საქმეზე დაკავებული გურამ და მაია რჩეულიშვილები მოსამართლემ პატიმრობაში დატოვა.

მოსამართლემ ადვოკატის შუამდგომლობა რჩეულიშვილების გირაოს სანაცვლოდ გათავისუფლების შესახებ არ დააკმაყოფილა.

როგორც მაია რჩეულიშილის ადვოკატმა აღნიშნა, მისი დაცვის ქვეშ მყოფის ჯანმრთელობის მდგომარეობა საკმაოდ მძიმეა.

„მას აქვს მარცხენა ფილტვზე სიმსივნე, ასევე გულის იშემიური დაავადება, კუჭნაწლავის ძალიან სერიოზული პრობლემები და საერთოდ ზოგადად მდგომარეობა არის მძიმე”, - განაცხადა ადვოკატმა.

საქმის პროკურორის, დავით გუმბერიძის თქმით, მაია რჩეულიშვილს რაიმე ახალი დაავადება არ აქვს და მისი ჯანმრთელობის მდგომარეობა დამძიმებული არ არის.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან