საქართველოს მთავრობის ადმინისტრაციაში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველმა მოადგილემ არჩილ ყარაულაშვილმა, ნატოს საპარლამენტო ასამბლეის ეკონომიკისა და უსაფრთხოების კომიტეტის, ტრანსფორმაციისა და განვითარების ქვეკომიტეტის დელეგაციასა და საქართველო-ნატოს საპარლამენტთაშორისო საბჭოს წევრებთან შეხვედრა გამართა.

როგორც „ექსპრესნიუსს“ სახელმწიფო მინისტრის აპარატიდან აცნობეს, შეხვედრაზე განსაკუთრებული აქცენტი გაკეთდა ქვეყნის საგარეო პოლიტიკის პრიორიტეტულ მიმართულებებზე და აღინიშნა, რომ საქართველოს ხელისუფლების საგარეო პოლიტიკის ერთ-ერთ მთავარ ამოცანას ევროპულ და ევროატლანტიკურ სტრუქტურებში ინტეგრაციის პროცესების დაჩქარება და დემოკრატიული რეფორმების გაგრძელება წარმოადგენს.

შეხვედრაზე მხარეებმა საქართველოსა და ნატოს შორის თანამშრომლობის პრიორიტეტული საკითხები განიხილეს. სახელმწიფო მინისტრის პირველმა მოადგილემ ყურადღება გაამახვილა ნატო-ს უელსის სამიტზე მიღებულ ნატო-საქართველოს არსებითი ღონისძიებათა პაკეტით გათვალისწინებული ელემენტების ეფექტიანი და დროული იმპლემენტაციის აუცილებლობაზე და ნატო-ს მხარდაჭერის მნიშვნელობაზე აღნიშნულ პროცესში.

საუბარი, აგრეთვე შეეხო საქართველოს ოკუპირებულ ტერიტორიებზე არსებულ ვითარებას და მზარდი რუსული ანტი-დასავლური პროპაგანდის ფონზე ევროატლანტიკური ინტეგრაციის საკითხებზე სახალხო დიპლომატიის კუთხით ძალისხმევის გააქტიურების აუცილებლობას. შეხვედრის მონაწილეებმა, ასევე, ისაუბრეს უსაფრთხოების კუთხით ქვეყანაში და რეგიონში არსებულ გამოწვევებზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს