„ხაბაზი, ონიანი, ხურცილავა - ისინი შემცირებაში მოაყოლა „შიდადემოკრატიის“ სახელით მოქმედმა ენმ-ის მმართველმა გუნდმა“

2016-12-13 21:25:15, 1536 ნახვა

პოლიტიკა

კობა ხაბაზი, გოგა ონიანი, ზურაბ ცერცვაძე, გიორგი (ჯეო) ხურცილავა, ვაჟა წოწკოლაური, გიორგი ბაბაკიშვილი, ეს ადამიანები შემცირებაში მოაყოლა "შიდადემოკრატიის" სახელით მოქმედმა ენმ-ს მმართველმა გუნდმა, - ამის შესახებ "ნაციონალური მოძრაობის" წევრი ჩიორა თაქთაქიშვილი Facebook-ის პირად გვერდზე წერს.

როგორც თაქთაქიშვილი განმარტავს, აღნიშნული პიროვნებები ღიად გამოთქვამდნენ პოზიციას და მხარს უჭერდნენ დიდი, 7000-დელეგატიანი ყრილობის ჩატარებას. მისი ვარაუდით, სწორედ ეს გახდა მათი "შემცირებაში მოყოლის" მიზეზი.

"კობა ხაბაზი - თავისუფალი ზონის დამფუძნებელი და ენმ-ს რეგიონული დეპარტამენტის გურიის კოორდინატორი,
გოგა ონიანი - ენმ-ს ერთ-ერთი იურისტი, პარტიის აქტივისტების ადმინისტრაციული და სისხლის სამართლებრივი დევნის საკითხებზე,
ზურაბ ცერცვაძე - საჩხერეში (!!!!!) ენმ-ს მაჟორიტარობის კანდიდატი და რეგიონული დეპარტამენტის იმერეთის კოორდინატორი,
გიორგი (ჯეო) ხურცილავა - 2002 წლიდან პარტიის თანამშრომელი, რეგიონული დეპარტამენტის ქვემო-ქართლის კოორდინატორი,
ვაჟა წოწკოლაური - 2002 წლიდან პარტიის თანამშრომელი, ფრაქციის აპარატის უფროსი და მცხეთა-მთიანეთში წარმომადგენელი,
გიორგი ბაბაკიშვილი - ენმ-ს ერთ-ერთი იურისტი, მოიგო პოლიტიკური ნიშნით გათავისუფლებული საჯარო მოხელეების არაერთი სკანდალური საქმე,
ეს ადამიანები ღიად გამოთქვამდნენ პოზიციას და მხარს უჭერდნენ დიდი, 7000-დელეგატიანი ყრილობის ჩატარებას.
დღეს ისინი შემცირებაში მოაყოლა "შიდადემოკრატიის" სახელით მოქმედმა ენმ-ს მმართველმა გუნდმა.
დარწმუნებული ვარ, რომ თითოეული მათგანი უხელფასოდაც ყველაფერს გააკეთებს ივანიშვილის რეჟიმის დასამარცხებლად. მაგრამ სირცხვილია!!!!!!!!!!!!! ძალიან დიდი სირცხვილი!!!", - წერს ჩიორა თაქთაქიშვილი.