2016-12-13 14:43:39, 1914 ნახვა
პოლიტიკა კომენტარი
ელენე ხოშტარია: „ქართული ოცნების“ მიერ პრეზიდენტთან კინკლაობას, ქვეყნის ინტერესები შეეწირა
„ჩვენი ქვეყნის განვითარებისთვის საკონსტიტუციო ლეგიტიმურობა უკიდურესად მნიშვნელოვანია“, - ამის შესახებ „ნაციონალური მოძრაობის“ წევრმა ელენე ხოშტარიამ ჟურნალისტებს განუცხადა.
დეპუტატის თქმით, დღეს, როდესაც “ქართულ ოცნებას” აქვს საკონსტიტუციო უმრავლესობა, კომისია კიდევ უფრო დიდ მნიშვნელობას იძენს.
„კომისიის ლეგიტიმურობა არის უკიდურესად მნიშვნელოვანი ჩვენი ქვეყნის განვითარებისათვის. სამწუხაროდ, ჩვენ ოთხი წელი ვუყურებდით ,,ქართული ოცნების" შიგნით კინკლაობას პრეზიდენტთან და ამ კინკლაობას საქართველოს ბევრი ინტერესი შეეწირა. ძალიან ცუდია, რომ ასეთ ფუნდამენტურ საკითხზე ისევ ამ კინკლაობის რეჟიმში ვართ“,-აღნიშნა ხოშტარიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
