ევროკავშირის ელჩის, იანოშ ჰერმანის განცხადებით, ადამიანის უფლებების დაცვის კუთხით, საქართველო საკმაოდ კარგ პროგრესს განიცდის.

ამი შესახებ ჰერმანმა სახალხო დამცველის წლიური ანგარიშის წარდგენის შემდეგ ჟურნალისტებს განუცხადა.

"დღეს სახალხო დამცველისგან ყოველწლიური ანგარიში მოვისმინეთ. უნდა ვთქვა, რომ ადამიანის უფლებების დაცვის კუთხით საქართველო კარგად ვითარდება და ჩვენ გვეამაყება, რომ ეს ევროკავშირთან თანამშრომლობის ფონზე მიმდინარეობს. ანგარიშის თანახმადაც არის რამდენიმე სფერო, რომელიც ადამიანების უფლებების დაცვის კუთხით გარკვეულ სტანდარტებამდე მიღწევას საჭიროებს, თუმცა საბოლოო შედეგი მაინც დადებითია.  ანგარიშიდან ჩანს, რომ ძირითადი პრობლემები მაინც ქალთა მიმართ ძალადობასა და უმცირესობების დისკრიმინაციას ეხება. მიმაჩნია, რომ უნდა შეიქმნას შესაბამისი კონტროლის მექანიზმები, რომლებიც ამ სფეროს უფრო მკაცრად დაარეგულირებენ. დღეს, ქალბატონმა ეკა ბესელიამ აღნიშნა, რომ პარლამენტი გარკვეულ ზომებს მიიღებს ამ სფეროს დასარეგულირებლად და ვთვლი, რომ ეს ძალიან მნიშვნელოვანი განცხადებაა", - განაცხადა ჰერმანმა.

ელჩის თქმით, ევროკავშირი ადამიანის უფლებების დაცვის სფეროში საქართველოსთან თანამშრომლობას გააგრძელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს