საქართველოს პრემიერ-მინისტრი გიორგი კვირიკაშვილი ე.წ. შეჩერების მექანიზმთან დაკავშირებით ევროპარლამენტსა და  ევროკავშირის საბჭოს შორის მიღწეულ შეთანხმებას გამოეხმაურა და მას საბოლოო გადაწყვეტილებისკენ უმნიშვნელოვანესი ეტაპი უწოდა.

გიორგი კვირიკაშვილის შეფასებით, ვიზალიბერალიზაციის პროცესი ძალიან მალე დასრულდება:

„რაც შეეხება ვიზალიბერალიზაციის საკითხს, მინდა, დიდი კმაყოფილებიღთ აღვნიშნო, რომ გუშინ მიიღეს უმნისვნელოვანესი გადაწყვეტილება, შეთანხმება ევროპარლამენტსა და ევროკავშირის  საბჭოს შორის, ე.წ. შეჩერების მექანიზმთან დაკავშირებით, რაც იყო  უმნიშვნელოვანესი ეტაპი საბოლოო გადაწყვეტილებისკენ. დაგვრჩა კვლავ მთელი რიგი პროცედურები გასავლელი.ნაბიჯ-ნაბიჯ ფეხ და ფეხ მივყვებით ამ პროცესს და დიდი იმედი გვაქვს, უმოკლეს დროში მოხდება მთლიანი პროცედურის დასრულება. საქართველომ  შეასრულა ყველა პირობა ვიზალიბერალიზაციის სამოქმედო გეგმით გათვალისწინ ებული და რა თქმა უნდა, ჩვენი მეგობრები ბრიუსელში და არა მხოლოდ ბრიუსელში, ევროპის დედაქალაქებში, ძალიან გვეხმარებიან და მინდა, ვისარგებლო შემთხვევით და მადლობა გადავუხადო ყველა მათგანს ამ უდიდესი თანადგომისთვის. საქართველოსთვის ევროინტეგრაცია გახლავთ უმნიშვნელოვანესი სტრატეგიული პრიორიტეტი, ეს არის არა მხოლოდ საგარეო პრიორიტეტი, არამედ  პრიორიტეტი, რომელიც მნიშვნელოვნაწილად განსაზღვრავს ჩვენს შიდა რეფორმების დღის წესრიგს იმისათვის, რომ ცხოვრების ხარისხი ავწიოთ ქვეყანაში და ეკონომიკური  განვითარების დონე მოვიყვანოთ იმ დონესთან, რომელიც  ევროპულ ქვეყნებსა და ევროპული ოჯახის ნამდვილ წევრ ქვეყნებს შეეფერება.ვფიქრობთ, ეს პროცესი გაგრძელდება და ძალიან მალე დასრულდება“,-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს