ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე საქართველოში ავსტრიის რესპუბლიკის დანიშნულ ელჩს აქსელ ვეხს შეხვდა.

სახელმწიფო მინისტრის აპარატის ინფორმაციით, შეხვედრაზე ყურადღება გამახვილდა რიგის აღმოსავლეთ პარტნიორობის სამიტისათვის მზადების პროცესზე.

დავით ბაქრაძემ აქსელ ვეხს ინფორმაცია მიაწოდა ასოცირების შესახებ შეთანხმებისა და ვიზა ლიბერალიზაციის სამოქმედო გეგმების განხორციელების საკითხებზე და ამ მიმართულებით მიღწეულ პროგრესსზე. ხაზგასმით აღნიშნა, რომ საქართველო რიგის სამიტზე შესრულებული ვალდებულებებით წარსდგება. თავის მხრივ, ელჩმა აღნიშნა, რომ ავსტრია მხარს დაუჭერს საქართველოს მიერ დაფიქსირებული პროგრესის ადექვატურად ასახვას სამიტის გადაწყვეტილებებში. 

შეხვედრაზე მხარეებმა მიმდინარე წლის 18-19 მაისს საქართველოში ავსტრიის რესპუბლიკის პრეზიდენტის დაგეგმილი ვიზიტის შესახებ ისაუბრეს. ხაზი გაესვა აღმოსავლეთ პარტნიორობის რიგის სამიტის მომზადების კონტექსტში  აღნიშნული ვიზიტის მნიშვნელობას.

შეხვედრაზე მხარეებმა ასევე, სამართალდამცავ, ეკონომიკისა და ვაჭრობის  სფეროებში ორმხრივი თანამშრომლობის პერსპექტივები განიხილეს და ავსტრიაში ქართული პროდუქციის ექსპორტის შესაძლებლობებზე გაამახვილეს ყურადღება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს