დევნილთა და განსახლების მინისტრმა სოზარ სუბარმა „გრიგოლ რობაქიძის სახელობის უნივერსიტეტში“ საჯარო ლექცია გამართა.

ამის შესახებ „ექსპრესნიუსს“  ლტოლვოლთა და განსახლების სამინისტროდან აცნობეს.

მათივე ცნობით, მინისტრმა თანამედროვე ეკონომიკური და პოლიტიკური გამოწვევების, საქართველოს ევრო-ატლანტიკური მისწრაფებისა და ადამიანის უფლებების შესახებ ისაუბრა.

სოზარ სუბარმა სახალხო დამცველად და სასჯელაღსრულების მინისტრად მუშაობის პერიოდში მიღებული გამოცდილებაც გაიხსენა.

მინისტრმა ლექციის მიმდინარეობისას სტუდენტებისათვის საინტერესო ყველა შეკითხვას უპასუხა.

უნივერსიტეტის აკადემიური კომიტეტის გადაწყვეტილებით, სტუდენტი-ახალგაზრდობის განათლებისა და პატრიოტული სულისკვეთებით აღზრდის საქმეში შეტანილი განსაკუთრებული წვლილისთვის, სოზარ სუბარს საპატიო დოქტორის წოდება მიენიჭა.

შეხვედრას ჰუმანიტარული და სოციალური მეცნიერებების, სამართლის, საჯარო მმართველობისა და პოლიტიკის სკოლის სტუდენტები, აგრეთვე, უნივერსიტეტის რექტორი, პროფესორი მამუკა თავხელიძე ესწრებოდნენ.

მსგავსი შეხვედრები სხვადასხვა უნივერსიტეტის სტუდენტებთან მომავალშიც აქტიურად გაგრძელდება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე თელავის სტიქიაზე - ნებართვები არასწორად იყო გაცემული. ასე მიმაჩნია, თუმცა შევისწავლით

აქტივისტ ისაკო დევიძეს საპროცესო შეთანხმება გაუფორმდა - ის საპატიმროს 6 თვეში დატოვებს

14-16 ივლისს საქართველოში მოსალოდნელია მაღალი ტემპერატურის ფონზე დროგამოშვებით ნალექიანი ამინდი

კობახიძე - ქვეყანა იმართება ეფექტიანად, მათ შორის ეკონომიკური თვალსაზრისით