„ქართული მართლმსაჯულების წინაშე ისტორიული პერიოდია“,-ამის შესახებ საქართველოს პრეზიდენტმა გიორგი მარგველაშვილმა უზენაეს სასამართლოში ახალი თავმჯდომარის წარდგენისას განაცხადა.

მისივე თქმით, სასამართლოს  დეპოლიტიზაცია ქართული სახელმწიფოს მდგრადობის წინაპირობაა.

„ქართული სასამართლოს და მართლმსაჯულების წინაშე ისტორიული პერიოდია, რომელსაც აქვს თავისი გამოწვევები, მაგრამ  აქვს თავისი დიდი შესაძლებლობებიც პირველ რიგში და ეს იქნა ხაზგასმული არაერთხელ, დღეს ჩვენ გვყავს ქვეყანაში პოლიტიკური ელიტა, როგორც საკანონმდებლო, ისე აღმასრულებელი ხელისუფლების სახით, რომელიც ნათლად,   მტკიცედ და ერთმნიშვნელოვნად ხაზს უსვამს იმ ფაქტს, რომ სასამართლო უნდა იყოს დამოუკიდებელი. ამ ჩვეულებრივი  ჭეშმარიტების გამეორება და ხაზგასმა ძალიან მნიშვნელოვანია.სასამართლოს დეპოლიტიზაცია არის ქართული სახელმწიფოს მდგრადობის წინაპირობა. მაშინ,  როდესაც  ჩვეულებრივ მოქალაქეს აქვს იმედი და იმის განცდა, რომ სასამართლოში მისი უფლებები  დაცული იქნება, მაშინ პოლიტიკოსთა შეცდომებიც, პოლიტიკოსთა გადაცდომებიც, პარტიული ინტერესებიც, ყველაფერი რჩება მიღმა და ყველას აქვს იმის განცდა, რომ ჩვენი სახელმწიფო ემსახურება მთავარს-ემსახურება თითოეული  ადამიანის ინტერესებს. სახელმწიფოს ფუნდამეტი არის ის, რომ თითოეული ადამიანის უფლება იქნას დაცული. ამიტომ შეიქმნა სახელმწიფო. სახელმწიფოს მართავენ პოლიტიკოსები და მათ გააჩნიათ თავისი ვიწრო პარტიული ინტერესები, სახელმწიფოს მართავენ სახელმწიფო სტრუქტურები, რომლებიც სახელმწიფო ინტერესებსაც ძალიან მაღლა აყენებენ, მაგრამ ყველაზე მაღალი ინტერესი, რისთვისაც შეიქმნა სახელმწიფო, რასაც უნდა ემსახურებოდნენ პოლიტიკოსები  და რასაც უნდა ასწორებდეს და ასტაბილურებდეს სახელმწიფოს მთავარი ინსტიტუტი,  ეს არის სამართალი. ამ კედლებში სხვა ყველა ინტერესი არის მიღმა. ჩვენი ინტერესბი იკარგება,  როცა საქმე შემოდის აქ და მოსამართლეებს აქვთ ძალიან მძიმე და ამავე დროს ურთულესი ამოცანა, რომ თვითონაც გვერდზე გადადონ თავიანთი მოწონება -არ მოწონება და სამართალით იხელმძღვანელონ. დღეს ჩვენ ვდგამთ კიდევ ერთ მტკიცე ნაბიჯს იმისათვის, რომ საქართველოში სამართლიანი სასამართლო დაფუძნდეს’,-განაცხადა გიორგი მარგველაშვილომა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს