აჭარის ავტონომიური რესპუბლიკის მეოთხე მოწვევის უმაღლესი საბჭოს პირველი სხდომა მიმდინარეობს.

სხდომა უხუცესმა დეპუტატმა დავით თედორაძემ გახსნა.

დღევანდელ სხდომაზე საბჭო 21 ახალი დეპუტატის მანდატს ცნობს. დღეიდან ისინი მომდევნო 4 წლის განმავლობაში რეგიონში კანონმდებლობით საქმიანობას შეასრულებენ.

გარდა ამისა, სესიაზე უმაღლესი საბჭოს თავმჯდომარეს, კომისიების შემადგენლობას და საბჭოს კომისიების თავმჯდომარეებს აირჩევენ.

„ექსპრესნიუსის“ კორესპონდენტის ინფორმაციით, სხდომას ახლადარჩეული 19 დეპუტატი ესწრება. პირველ სესიაზე არ გამოცხადდა და მანდატზე უარი თქვა „პატრიოტთა ალიანსის“ სიის პირველმა ნომერმა დავით თარხან მოურავმა და“ნაციონალური მოძრაობის“ სიის პირველმა ნომერმა ლევან ვარშალომიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილიარდერები რუსეთიდან თავიანთი ფულის გატანას ჩქარობენ, რადგან სამხედრო ბიუჯეტისთვის კონფისკაციის შიში აქვთ

CBS: აშშ კუბაში დესანტის გახსნას განიხილავს

ელენე ხოშტარიას თოდუას კლინიკაში კვლევები ჩაუტარდა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO