ირაკლი კობახიძე: ჩვენ ნდობა გამოვუცხადეთ ძალიან ღირსეულ გუნდს, ძალიან ღირსეული ლიდერით

2016-11-27 00:07:52, 875 ნახვა

პოლიტიკა

ჩვენ ნდობა გამოვუცხადეთ ძალიან ღირსეულ გუნდს, ძალიან ღირსეული ლიდერით, - ამის შესახებ პარლამენტის თავმჯდომარე ირაკლი კობახიძემ მთავრობის ახალი შემადგენლობის დამტკიცების შემდეგ ჟურნალისტებს განუცხადა.

კობახიძის განცხადებით, გუნდს აქვს ძალიან ამბიციური გეგმა, რომელიც ასახულია სამთავრობო პროგრამაში და რომელიც მოიცავს სახელმწიფოებრივ განვითარებას.

"ჩვენ ნდობა გამოვუცხადეთ ძალიან ღირსეულ გუნდს, ძალიან ღირსეული ლიდერით, ევროპული ლიდერით და ამ გუნდს აქვს ძალიან ამბიციური გეგმა, რომელიც ასახულია სამთავრობო პროგრამაში, ეს პროგრამა მოიცავს სახელმწიფოებრივ განვითარებას. პროგრამა ერთდროულად არის ამბიციურიც და იმავდროულად რეალისტურიც და შესაბამისად ის უზრუნველყოფს ქვეყნის სწრაფ განვითარებას, იმას რაც ჩვენ დავაანონსეთ არჩევნების წინ“, - განაცხადა ირაკლი კობახიძემ.