კოლეგიამ, როდესაც საქმე გადაულოცა დიდ პალატას, მოიხსნა პოლიტიკური პასუხისმგებლობის ტვირთი, - ასე აფასებს "საქართველოს დემოკრატიული ინიციატივის" თავმჯდომარე გიორგი მშვენიერაძე უზენაესი სასამართოს გადაწყვეტილებას "რუსთავი 2"-ის საქმეზე. 

გიორგი მშვენიერაძე მიიჩნევს, რომ ეს დავა მხოლოდ იმიტომ არის, რომ რუსთავი2-ის სარედაქციო პოლიტიკა ხელისუფლებისთვის მიუღებელია.

"რუსთავი2-ის სარედაქციო პოლიტიკა 2012 წლის არჩევნების შემდგომ რომ ყოფილიყო ისეთივე, როგორიცა არის იმედის ან საზოგადოებრივი მაუწყებლის სარედაქციო პოლიტიკა ქიბარ ხალვაშის სახელით წარმოებული დავა არ იარსებებდა. ეს დავა მხოლოდ იმიტომ არის, რომ რუსთავი2-ის სარედაქციო პოლიტიკა არის ხელისუფლებისთვის მიუღებელი," - განაცხადა მშვენიერაძემ გადაცემა "არჩევანში".

მან აქვე დასძინა, რომ დიდი პალატის მოსამართლეებს რუსთავი2-ის საქმის განხილვისას "მარტივი ტესტის ჩაბარება მოუწევთ".

შეგახსენებთ, საქართველოს უზენაესი სასამართლოს კოლეგიამ რუსთავი2-ის საქმეზე გადაწყვეტილება დღეს მიიღო. მოსამართლეთა კოლეგიის გადაწყვეტილებით, საქმე განსახილველად უზენაესი სასამართლოს დიდ პალატას გადაეცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს