ტრამპი ერთნაირსქესიანთა ქორწინებაზე: სასამართლომ საკითხი უკვე გადაწყვიტა და ამასთან დაკავშირებით პრეტენზია არ მაქვს

2016-11-14 18:44:36, 2745 ნახვა

მსოფლიო

უზენაესმა სასამართლომ საკითხი უკვე გადაწყვიტა და ამასთან დაკავშირებით პრეტენზია არ მაქვს, - ამის შესახებ აშშ-ის ახლადარჩეულმა პრეზიდენტმა დონალდ ტრამპმა "60 წუთთან" ინტერვიუში განაცხადა.

როგორც ტრამპმა აღნიშნა, ის ერთი და იმავე სქესის ადმიანებს შორის ქორწინების ლეგალიზებასთან დაკავშირებით ქვეყნის უზენაესი სასამართლოს მიერ მიღებულ გადაწყვეტილებას ემხრობა.

"ეს თემა უკვე არარელევანტურია, ერთნაირსქესიანთა ქორწინების საკითხი გადაწყვეტილია და დაკანონებული", - აცხადებს პრეზიდენტი.

ცნობისთვის, უზენაესი სასამართლოს გადაწყვეტილებით, ამერიკის ყველა შტატში, ერთი და იმავე სქესის მქონე პირებს ქორწინება შეუძლიათ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან