პარტია „თოფაძე-მრეწველები, ჩვენი სამშობლოს“  ლიდერის გოგი თოფაძის განცხადებით, ეჭვი არ ეპარებოდა, რომ ხაშურში  მათი კანდიდატი სიმონ ნოზაძე გაიმარჯვებდა. როგორც თოფაძემ  „ექსპრესნიუსს“ განუცადა, სიმონ ნოზაძე ძალიან გამოცდილი, კვალიფიციური კადრია და მისი სახით პარლამენტს კარგი დეპუტატი ეყოლება:

„ძალიან გამოცდილი კაცია.  ჩვენ ერთად ძალიან ბევრ საკითხზე გვისაუბრია. დავინახეთ, რამდენად შემართულია საზოგადოება მისი გამარჯვებისკენ.მას ბევრი სასიკეთო საქმე აქვს გაკეთებული და  არც ვეჭვობდით, რომ ხაშურში სიმონ ნოზაძე გაიმარჯვებდა“,-აღნიშნა გოგი თოფაძემ.

რაც შეეხება საარჩევნო პროცესს, თოფაძე ფიქრობს, რომ არჩევნები დემოკრატიულ გარემოში ჩატარდა:

„თუ ჩვენ შევადარებთ იმ არჩევნებს, რომელიც ტარდებოდა 1995 წლიდან 2012 წლამდე, რა თქმა უნდა, იდიალურად ჩატარდა.  ამიტომ, ნუ დავიწყებთ იმის გახსენებას,  რა ხდებოდა, ტომრებით რომ იყრებოდა საარჩევნო უბანში ბიულეტენები და ყველანაირი დარღვევა იყო. ოპოზიციურ პარტიებს ასეთი სტილი აქვთ, რაღაც უნდა გაამუქონ. უცხოელები იყვნენ ჩამოსული ბევრი ქვეყნიდან, აღიარეს, რომ არჩევნები ჩატარდა დემოკრატიულად, წარმატებით. განსაკუთრებით მეორე ტური.  მიუხედავად იმისა, რომ უდიდესი ნაწილი „ქართული ოცნებისაა“, წინა პირველი ტურის შედეგებითაც ჩანდა, რომ უპირატესობა აქვთ „ოცნების“ კანდიდატებს. ეს მოსალოდნელი იყო. ჩვენ,  რა თქმა უნდა, გაგვიხარდა, რომ  ჩვენი პარტიაც წარმოდგენილია პარლამენტში. რომ ასეთი გამოცდილი და კვალიფიციური პარლამენტის წევრი ეყოლება პარლამენტს“,-განუცხადა გოგი თოფაძემ „ექსპრენსიუსს“.

ცენტრალურმა საარჩევნო კომისიამ  50 ოლქის  მიხედვით, ყველა საარჩევნო უბანი დაითვალა და წინასწარი შედეგები გამოაქვეყნა.

წინასწარი შედეგების თანახმად, ხაშურის 43-ე მაჟორიტარულ ოლქში „თოფაძე-მრეწველები, ჩვენი სამშობლოს“ კანდიდატმა სიმონ ნოზაძემ გაიმარჯვა.

კერძოდ,  სიმონ ნოზაძემ ხმების 61,55 % მოაგროვა, ხოლო მისმა კონკურენტმა „ქართული ოცნებიდან“ ვალერი გელაშვილმა 38.45% მიიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი