2016-10-22 14:02:54, 720 ნახვა
საზოგადოება
კოსტავას ქუჩაზე ყვითელი მიკროავტობუსი ბორდიურს შეეჯახა
კოსტავას ქუჩაზე, ტექნიკური უნივერსიტეტის მიმდებარე ტერიტორიაზე, თბილისი-რუსთავის მიმართულებით მოძრავი სამარშრუტო ტაქსი ბორდიურს შეეჯახა.
როგორც „ექსპრესნიუსს“ შინაგან საქმეთა სამინისტროში განუცხადეს, ოთხმა მგზავრმა მსუბუქი დაზიანებები მიიღო. ისინი საავადმყოფოში არიან გადაყვანილი.
გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც გულისხმობს სატრანსპორტო საშუალების მოძრაობის უსაფრთხოებისა და ექსპლუატაციის წესების დარღვევა, რამაც ჯანმრთელობის ნაკლებად მძიმე დაზიანება გამოიწვია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
