მოსკოვისა და დამასკოს ქმედებები სირიაში შესაძლოა, სამხედრო დანაშაულად ჩაითვალოს, - ამის შესახებ ევროკავშირის საგარეო საქმეთა მინისტრების მიერ ლუქსემბურგში გამართული შეხვედრის შედეგად მიღებულ ერთობლივ განცხადებაშია ნათქვამი. 

ევროკავშირი გმობს ალეპოზე რუსეთის ავიადარტყმებს. განცხადებაში აღნიშნულია, რომ რუსეთისა და სირიის რეჟიმის თავდასხმების გამო ქალაქის ათასობით მცხოვრები იტანჯება.

ევროკავშირის ქვეყნების საგარეო საქმეთა მინისტრებმა რუსეთი და სირიის მთავრობა კასეტური ბომბებისა და ქიმიური იარაღის გამოყენებაში დაადანაშაულეს. გარდა ამისა, დიპლომატები აღნიშნავენ, რომ მოსკოვი და დამასკო განზრახ ბომბავენ ალეპოში საავადმყოფოებს, სამედიცინო პერსონალს, სკოლებს და სამოქალაქ ინფრასტრუქტურას.

ევროკავშირი რუსეთისა და სირიის ხელისუფლებებს ალეპოში სამხედრო მოქმედებების დაუყოვნებლივ შეწყვეტისკენ მოუწოდებს.

ამას გარდა, მინისტრებმა სირიაში ჰუმანიტარულ კონვოიზე განხორციელებული ავიადარტყმა საერთაშორისო კანონმდებლობის დარღვავად შეაფასეს და მომხდარის გამოძიება მოითხოვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო

ჟურნალისტ როგავამ ეჭვი შეიტანა დაკავებული სპეცრაზმელის თავდასხმაში მონაწილეობაში

ახალი კონფლიქტი: ვარშავამ კიევი ისტორიულ პროვოკაციაში დაადანაშაულა