2016-10-14 14:28:55, 749 ნახვა
საზოგადოება
პატრიარქი პრემიერს: არჩევნების მშვიდობით ჩატარება თქვენი დამსახურებაა
„არჩევნების მშვიდობით ჩატარება თქვენი დიდი დამსახურებაა, ბატონო გიორგი“,-ასე მიმართა სრულიად საქართველოს კათოლიკოს პატრიარქმა უწმინდესმა და უნეტარესმა ილია მეორემ პრემიერ-მინისტრს სვეტიცხოვლობის დღესასწაულზე.
უწმინდესმა საქართველოს მთავრობას არჩევნების მშვიდობიანად ჩატარება მიულოცა.
„დღევანდელ დღესასწაულზე, ამ წირვა-ლოცვაზე ბრძანდებიან პრემიერ-მინისტრი საქართველოსი და მინისტრები. ჩვენ ვულოცავთ პრემიერ-მინისტრსა და მთავრობას ამ დიდ დღესასწაულს. მინდა, მივულოცო მათ მშვიდობით ჩატარებული არჩევნები. ეს არის თქვენი დიდი დამსახურება, ბატონო გიორგი",-ბრძანა პატრიარქმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
