თანაინვესტირების ფონდის მენეჯმენტის გადაწყვეტილებით, „საქართველოს ტურიზმის განვითარების  ფონდი“  ფუძნდება. ფონდში სხვა პროექტებთან ერთად, თანაინვესტირების ის რვა  პროექტი გაერთიანდება, რომლის ინიციატორი ბიძინა ივანიშვილია.

ამის შესახებ თანაინვესტირების ფონდის ხელმძღვანელებმა ტურიზმის განვითარების ფონდის პრეზენტაციაზე  ისაუბრეს. 

როგორც ცნობილია თანაინვესტირების ფონდი, ტურისტული ინფრასტრუქტურის გასავითარებლად  ახარციელებს 680 მილიონი აშშ დოლარის ღირებულების რვა  მასშტაბურ პროექტს თბილისში, გურიაში, აჭარასა და სამეგრელოში.

როგორც აღინიშნა, ფონდის დაარსების მიზანია, ქვეყანაში ტურისტული ინფრასტრუქტურის  სწრაფი  ხელშეწყობა და კონკრეტული პროგრამების განხორციელება, ტურიზმში ჩართული კომპანიების მომსახურების ხარისხის გასაუმჯობესებლად.

ფონდის ერთ-ერთი უმნიშვნელოვანესი მისიაა, ტურისტული მიზიდულობის ახალი ცენტრების შექმნა და დამატებითი ინვესტიციების მოზიდვა ეკონომიკურად ნაკლებად აქტიურ რეგიონებში.

საქართველოს პრემიერ-მინისტრ გიორგი კვირიკაშვილის განცხადებით, ტურიზმის განვითარების ფონდის შექმნა ტურიზმის სფეროს განვითარებისთვის ძალიან მნიშვნელოვანია.

პრემიერი დარწმუნებულია, რომ ეს ახალი ინიციატივა გადამწყვეტ როლს ითამაშებს ტურიზმის სექტორის განვითარებაში.

„საქართველოს ამ სექტორის განვითარებისთვის ძალიან დიდი პოტენციალი გააჩნია“,-დასძინა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა