"დავით უსუფაშვილი  იმის მაგივრად, რომ ქვეყანაში პარლამენტარიზმის გაძლიერებას სცდილობდეს, პარლამენტის სხდომების  ბოიკოტითაა დაკავებული",-ამის შესახებ საპარლამენტო უმცირესობის წევრმა ნუგზარ წიკლაურმა რიგგარეშე სხდომაზე დასასწრებად საპარლამენტო უმრავლესობის წევრების და მათ შორის პარლამეტის თავმჯდომარის არ მისვლის საკითხზე საუბრისას განაცხადა.

წიკლაურის შეფასებით, პარლამენტის თავმჯდომარე საქართველოს პარლამენტარიზმის  გაძლიერებას არ სცდილობს.

"ეს სხდომა პრეზიდენტის მიერ მოწვეულია და ეხება ქვეყანაში  ყველაზე უმნიშვნელოვანეს საკითხს, რაც არის ეკონომიკური ვითარება, სავალუტო კრიზისი და ამ ვითარებიდან გამოსავალი. უმრავლესობა თავის პირდაპირ ფუნქციას არ ასრულებს. მთელ ამ ვითარებაში გასაოცარია პარლამენტის თავმჯდომარის პოზიცია, რომელიც იმის მაგივრად, რომ პარლამენტარიზმის  გაძლიერებას სცდილობდეს, პარლამენტის  სხდომების  ბოიკოტით არის დაკავებული, ამ თვალსაზრისით, უსუფაშვილი უნიკალური მოვლენაა," - განაცხადა  ნუგზარ წიკლაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა