კრწანისის ქუჩაზე ახალ, №20 საბავშვო ბაგა-ბაღში სასწავლო პროცესი დაიწყო.

კრწანისის №21-ში ახალაშენებული საბავშვო ბაღი თბილისის მერმა დავით ნარმანიამ საკრებულოს თავმჯდომარე გიორგი ალიბეგაშვილთან და ბაგა-ბაღების მართვის სააგენტოს ხელმძღვანელ თემურ თორდინავასთან ერთად გახსნა. ღონისძიებას ესწრებოდა კრწანისის რაიონის გამგებელი გიორგი კოპალეიშვილი, ასევე, საკრებულოსა და მერიის წარმომადგენლები.

დავით ნარმანიამ აღსაზრდელებს ახალი სასწავლო წლის დაწყება მიულოცა და ახლადგახსნილი დაწესებულება სტუმრებთან ერთად დაათვალიერა.

„კიდევ ერთი ახალი ბაგა-ბაღის მშენებლობა დავასრულეთ და მოვაგვარეთ უბანში არსებული საბავშვო ბაღის  პრობლემა, რითაც 250-მდე  ბავშვი და მათი მშობლები გავახარეთ.  აშენდა ძალიან თანამედროვე  საბავშვო ბაღი, სადაც ყველანაირი პირობაა სააღმზრდელო პროცესის მაღალი სტანდარტებით წარმართვისთვის. მნიშვნელოვანია, რომ ბაღში  გახსნილია  ყველა ასაკობრივი  ჯგუფი.  ასე რომ, აღსაზრდელებს  თანამედროვე  წესებისა და მოთხოვნების შესაბამისი ბაგა-ბაღი მოემსახურება“, - განაცხადა დავით ნარმანიამ.  

№20  საბავშვო ბაგა-ბაღის შენობა   2002 წელს თბილისში მომხდარი მიწისძვრის შედეგად მძიმედ დაზიანდა და ამ დრომდე  ბაღი ნაქირავებ შენობაში ფუნქციონირებდა.

კრწანისის #21-ში არსებულ მიწის ნაკვეთზე არასტანდარტული  შენობა აშენდა,  რომელიც დღეიდან  200-ზე მეტი ბავშვის სკოლამდელი განათლებით უზრუნველყოფას შეძლებს.

ბაღში შექმნილია  აღსაზრდელთა 6, მათ შორის ერთი ბაგას ჯგუფი.

საბავშვო ბაღში დასაქმდა 40-მდე ადამიანი.  შენობა ადაპტირებულია განსაკუთრებული საჭიროების მქონე ბავშვებისთვის.

მე-20 საბავშვო ბაგა-ბაღი ერთ-ერთია იმ 5 ახალ ბაღს შორის, რომელიც თბილისს წელს შეემატა. შემოდგომაზე ფუნქციონირებას  კიდევ 2 ახალი საბავშვო ბაღი დაიწყებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა