საქართველოს ყოფილი პრემიერ-მინისტრის ბიძინა ივანიშვილის განცხადებით, რეგიონული შეხვედრები მას სიამოვნებას არ ანიჭებს, უბრალოდ თავს ვალდებულად გრძნობს, ასეთი შეხვედრები გამართოს.

როგორც ივანიშვილმა GDS-ის ახალ სატალევიზო გადაცემაში განაცხადა, რეგიონული შეხვედრების მიზანია,  საზოგადოებას სწორი არჩევანის გაკეთებაში დაეხმაროს:

"რა გინდაო, რა გაწუხებს, წადი და რაღაცები აკეთე, იცხოვრეო.  ვაკეთებდი მასე და ვცხოვრობდი. ძალიან ბევრი პროექტი მქონდა გაკეთებული და კაციშვილი არ მიცნობდა. ეს არის ჩემი ყოფა. მე მიყვარს ძალიან ბაღი, მიყვარს პირველ რიგში ადამიანები, ხეებიც რომ მოიტანეს ისიც შევახსენე განმარტება გავაკეთე, ყველაფერი თავის ადგილზე მაქვს, მაგრამ საჯარო ცხოვრება არ არის ჩემი მოწოდება. რეგიონებში სიარული არავითარ სიამოვნებას არ მანიჭებს. ვალდებულებად მაქვს მხოლოდ. მგონია, რომ ამით კიდევ დავეხმარები საზოგადოებას, რომ სწორი არჩევანი გავაკეთოთ. როცა ვიჯექი დ ვაკეთებდი, კინაღამ ქვეყანა თავზე დამამხეს",-აღნიშნა ბიძინა ივანიშვილმა.

ივანიშვილი აღიარებს,  რომ რეგიონული შეხვედრები, რომელსაც მართავს, "ქართული ოცნების" პიარს ემსახურება:

"მაგრამ ემსახურება არა იმიტომ, რომ ჩემი დოგმაა და ამოჩემება "ქართული ოცნება",  იმიტომ, რომ ასეთია "ქართული ოცნება", ის იცავს იმ სტანდარტებს, რაც ჩემი მოსვლით პოლიტიკაში დაფუძნდა. სხვა პარტიას ვერ ვხედავ, რომ პარალელურად მოვუწოდო საზოგადოებას. ოდესღაც გამოჩნდება უკეთესი პარტია, რომელიც სწორ ორიენტაციას აირჩევს, უფრო სწორად დაალაგებს, უფრო სწორი იდეოლოგია ექნება, "ქართული ოცნება" არ იქნება ჩემი დოგმა",-განაცხადა ბიძინა ივანიშვილმა.

საქართველოს ყოფილი პრემიერ-მინისტრი რეგიონული შეხვედრების ფარგლებში, ამჯერად სამცხე-ჯავახეთში იმყოფებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ სტავროპოლში ნავთობის საწყობს ერთი კვირის განმავლობაში მეორედ დაარტყა, ხოლო პორტ კავკაზის ცეცხლი გაუჩნდა

მოსკოვის რეგიონში დრონით განხორციელებული თავდასხმის შედეგად სამი ადამიანი დაიღუპა

Axios: გარდაცვალებამდე ლინდსი გრემმა განაცხადა, რომ რუსეთის წინააღმდეგ სანქციების დაწესებას აპირებდა

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“