საქართველოს ყოფილი პრემიერ-მინისტრის ბიძინა ივანიშვილის განცხადებით, 2012 წლის შემდეგ, საქართველოში დანაშაულის რაოდენობა მკვეთრად შემცირდა.

ამის შესახებ ივანიშვილმა GDS-ის ახალ სატელევიზიო გადაცემაში განაცხადა, რომლის ფარგლებშიც ის  რეგიონულ მედიას ხვდება. ამჯერად ივანიშვილი სამცხე-ჯავახეთში იმყოფება.

ყოფილი პრემიერის თქმით, ერთეული შემთხვევების გარდა, ვერავინ იტყვის, რომ დღეს  პოლიცია ხალხზე ძალადობს:

"ქვეყანაში ორგანიზაციული დანაშაულისაგან თავისუფლების ინდექსში, 2012 წლამდე,  საქართველო ყველაზე მაფიოზურ ქვეყნებში შედიოდა და დღეს საქართველოს ამ მხრივ მსოფლიოში მე-17 ადგილი უკავია და ევროსაბჭოს 27 ქვეყანაში მე-9 ადგილზე ვართ, რომ საქართველოში აღარ არის ორგანიზებული დანაშაული. კრიმინალი გახშირდაო გვესმის, ამას ოპონენტები სულ ამბობენ, თვითონ დაამტვრიეს რამდენიმე მანქანა,  გააკეთეს ამის მსგავსი პროვოკაცია, რაზეც წამოეგნენ კიდეც. დღეს პოლიცია ხალხის სამსახურშია ჩამდგარი. ვერავინ იტყვის, რომ პოლიცია ხალხზე ძალადობს, ერთეული შემთხვევები მსოფლიოში ყველგანაა და მასზე გეთდება ადეკვატური რეაქცია. 2012 წლამდე ყველაზე მაფიოზური ქვეყნების რიგში იდგა საქართველო“, - განაცხადა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ სტავროპოლში ნავთობის საწყობს ერთი კვირის განმავლობაში მეორედ დაარტყა, ხოლო პორტ კავკაზის ცეცხლი გაუჩნდა

მოსკოვის რეგიონში დრონით განხორციელებული თავდასხმის შედეგად სამი ადამიანი დაიღუპა

Axios: გარდაცვალებამდე ლინდსი გრემმა განაცხადა, რომ რუსეთის წინააღმდეგ სანქციების დაწესებას აპირებდა

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“